Francaidda mea
nienti eti scuntatu ogni vota ca ti vesciu.
Tanta bedda Sinti Francaidda,
ca no pensu a ce sta fazzu,
picce quannu io ti uardo...
mi ricuerdi nu piccinnu.
Lu nonno lu sci pigghiava
e alla scola lu cumpagnava,
la cartella si carisciava
Quant'eti bedda quedda via;
lu piccinnu ca fuscia
cu sci manciava di la nonna Maria.
Ancocchi stae Sant'Eligio,
Santa Lucia ... eti festa di prestigio.
Quannu la processione passava
e lu piccinnu la secutava,
e ci li nonni e cumpagnia
si discia na preghiera a Santa Lucia.
E quedda scola quannu la vesciu,
non stai nienti di fa... nu mi manesciu;
la uardo e piensu
"Comu è volatu lu tiempu".
Cuddu vagnone ca sciucava
e cu l'amici s'incuntrava;
Tanta amata quedda età,
ca mai chiú arretu verrà.
E in quedda via cu lu pallone...
addó spaccata lu vitrone.
Poi a Via Roma quannu assia
e mi vitia cu li cumpari mia.
E ancora,
intra a cuddu cinema, tanta vote ca agghiu sciutu
ca ogni parte agghiu canusciuto.
E qui di nzomma,
da sobbra allu viale all'uspitale...
Francaidda eti d'amare.
Nessun commento:
Posta un commento